சில்லி பாய்ன்ட்…

* 4 லட்சம் டிக்கெட்கள்
உலக கோப்பை கிரிக்கெட் போட்டிக்கான 4 லட்சம் டிக்கெட்களை 2வது கட்டமாக விற்பனை செய்ய உள்ளதாக பிசிசிஐ தெரிவித்துள்ளது. இந்த விற்பனை இன்று இரவு 8 மணிக்கு தொடங்கும். டிக்கெட்களை https://tickets.cricketworldcup.com என்ற இணையத்தின் மூலம் வாங்கலாம்.

* புச்சிபாபு பைனல்
அகில இந்திய அளவிலான புச்சி பாபு 4நாட்கள் கிரிக்கெட் போட்டியின் இறுதிப் போட்டியில் டெல்லி-மத்திய பிரதேச அணிகள் மோதுகின்றன. இந்த ஆட்டம் இன்று கோவையில் தொடங்குகிறது.

* கிங் கோப்பை கால்பந்து
தாய்லாந்தில் நடைபெறும் கிங் கோப்பை கால்பந்து போட்டியின் முதல் அரையிறுதியில் இந்தியா-ஈராக் அணிகள் நேற்று மோதின. ஆட்டம் 2-2 என்ற கோல் கணக்கில் டிராவில் முடிந்ததால், த லா 5 பெனால்டிக் ஷூட்-அவுட் வாய்ப்புகள் வழங்கப்பட்டன. அதில் ஈராக் 5-4 என்ற கோல் கணக்கில் வெற்றிப் பெற்றது.

* களம் காணும் சாம்பியன்
உலக கோப்பைக்கு முன்னதாக 2019ம் ஆண்டு உலக கோப்பை இறுதி ஆட்டத்தில் விளையாடிய இங்கிலாந்து-நியூசிலாந்து இடையிலான ஒருநாள் தொடர் இன்று தொடங்குகிறது. மொத்தம் 4 ஆட்டடங்களை கொண்ட இந்தத் தொடரில் சாதிக்க நடப்பு சாம்பியனான இங்கிலாந்து திட்டமிட்டள்ளது. இந்த 2 அணிகளுக்கு இடையிலான டி20 தொடர் 2-2என்ற கணக்கில் டிராவில் முடிந்தது.

* இந்தியாவுக்கு வெண்கலம்
தைவானில் நடந்த ஆசிய சாம்பியன்ஷிப் டேபிள் டென்னிஸ் போட்டியில் நேற்று 3வது இடம் பிடித்து வெண்கலப் பதக்கத்துடன் நாடு இந்திய அணி திரும்புகிறது. இந்த அணியில் தமிழகத்தின் சத்யன் ஞானசேகரன், சரத் கமல் ஆகியோர் இடம் பெற்றிருந்தனர்.

The post சில்லி பாய்ன்ட்… appeared first on Dinakaran.